وحدها السجدة

وحدها  السجدة  بين  يديكـ  ياربى

تجعلنى أشعر كم هى صغيرة تلكـم  الدنيا

وحدها السكينة  حين أسمع "واذا سـألـكـ عـبـادى عـنـى فانى قريب " ,, 

تشعرنى بطمأنينة ,, 

وحدها كلمتكـ  " أنا عند ظن عبدى بى "

تجعلنى اشعر بدناءة كل مطالبى ,, دون رؤية وجهكـ الكريم

وحدها الكسرة على بابكـ ,, تشعرنى بالعزة

وحدها مذلة سؤالكـ ,, تزيدنى فخرا

وحدكـ يالله ,, ستجبر كسرى

وبذكركـ  يامولاى ,, ستهدئ  نفسى 

مبقتش بصدق حد !!

 

 

 

 

مبقتش بصدق حد

عشان صحبتى الى مرة الى قالت لى وحشتينى هجى اشوفك ..طلعت عاوزة حد ينزل معاها تشترى حاجة عشان مبتحبش تنزل لوحدها

مبقتش بصدق حد
عشان الولد الى قالى مرة "انا جاى سفر 16 ساعة بالقطر بس عشان اشوف عنيكى " بعدها باسبوعين كان بينى وبينه ساعة واحدة بالعربية بس مكنش فاضى يهتم عنيا بتبكى ليه

مبقتش بصدق حد
عشان الجارة الى بأجل غسيلى عشان خاطر جوزها رجع من السفر او ولادها بيسافرو .. مشافتش انها حاجة ضرورية اوى انها تأجل فرح ابنها الكبير عشان ابويا مات قبل الفرح بيوم

مبقتش بصدق حد
عشان الموظف الى فى سكرتارية المدير الى ياما اشتغلت شغله اوفر تايم من غير فلوس الاوفر تايم بس عشان يقعد جنب مراته الى اول مرة تبقى حامل
هو نفس الموظف الى رحب جدا ان بنت اخوه تاخد مكانى فى الشركة بحجة انها تنفع واجهة للشركة اكتر منى

مبقتش بصدق حد
عشان حتى الشمس الى كل يوم بتعمل نفسها فرحانة ومنورة الصبح .. برضه بتيجى اخر النهار وتغرق فى النيل وتخلينى ابكى :((

 

 

عـــبـــأ هـــش :)

هناك بعض الأمور قد تكون عبا كامل على اصحابها

الا انهم يفاجئون أن هذا العبأ هش جدااااااااااااا اذا وجدت فقط من يهتم بتشجيعك على حمله

فضلا عن تحمله معك :)

أبحث عن المزيد من الكلمات بحجة انه

" مينفعش يبقى الكلمتين دول هما البوست ايه الكروتة دى :D "

ولكنى أعود لأقول لنفسى 

" مادام الفكرة وصلت يبقى مالوش لازمة الرغى الكتير بقى ^_^ "

عموما سيبكو من خناقتى معايا

واسمعو أنغام :)

بيان - اضراب جامعة بنها

نقلا عن شبكة رصد

http://www.facebook.com/photo.php?fbid=279797652097351&set=a.279797558764027.58130.103622369714881&type=1&theater

حـــــــــــــيــــــــــــــاة

فى وسط كل أخبار الموت التى يبدو أننا قد تكيفنا معها

أبحث أنا عن حـــــيـــــاة

كم يبدو هذا المطلب صعب المنال عندما يصادف هذا البحث أنباء موت مستمرة على المستوى العام

وانكسارات متتالية على المستوى الخاص

حتى العمل الخيرى الذى كان كل اهتمامى فى فترة سابقة 

لم أعد أجد الدافع الذى يجبرنى على استكماله

حتى اننى اعيد حسابات نيتى مرة أخرى

انه أمرا مزعج ان تكتشف ان حياتك بلا حياة 

وانك لم تعد البطل فى قصة حياتك .. انما أنت مجرد رد فعل لكل هؤلاء الذين أعطيتهم أنت أدوار تفوق حجهم الحقيقى فى قصة حياتك

وأصبحت أنت بلا دور !!

فى الطريق للبحث عن دورك وعن حياة 

حاذر أن تكتشف انك انت ميت ولا تشعر 

اكتئاب مابعد الخذلان

يمر بها مرحلة لاتعرف لها سبباً

الا انه قد تكون "اكتئاب مابعد الخذلان "

كم من الاسماء وكم من الاشياء وكم من الاسماء والمواقف خذلوها

الا انها لم تلق لهم بالا فى أوانهم 

بحجة ان لديها الاهم الان

ولكن يبدو ان مقاومتها تنهار

هى مازال لديها الاهم 

ولكن انهيار مقاومتها لا سبب واضح له

لَيْسَ لَهَا مِن دُونِ اللَّهِ كَاشِفَةٌ

هى لا تنتظر معرفة سبب انهيار المقاومة

هى فقط تبحث وبشدة كيفية الخروج من هذا الانهيار 

ولا تسألكم سوى الدعاء

بيان