كل سنة وكلكو بخير
" بكرة العيد "
مشاعر كتيرة أوى متضاربة جوايا
***
***
مبسوطة
بأول عيد من غير البعيد ^_^ المخلوع
بأول عيد من غير البعيد ^_^ المخلوع
والمخلوعين كلهم
وعقبال يارب سوريا واليمن بقى :(
ومبسوطة كمان عشان اول عيد ان شاء الله هقضيه فى حاجة جديدة
زيارات دار المسنين ودار الايتام الى بتعملها جمعية رسالة <3
***
كنت متعودة أصلى العيد وبعدين نتجمع فى بيت واحدة صحبتنا
ااحنا 5
هاجر ماشاء الله دلوقتى حامل
سمر مخطوبة
سارة متكلمين عليها ^_^
وبالتالى فاضل 2 بس الى فاضيين
شوشو خطيبها مسافر
وأمة الله .. أنا شكلى عنست ولا ايه :D
يارب شوشو توافق بقى تيجى معايا الزيارة دى عشان انا اساسا بقيت مبعرفش اتعامل مع الناس
ومش عارفة ايه المطلوب منى يعنى بس هروح اجرب
وبعدين انا اساسا ماليش فى التعامل مع الاطفال
بتعامل معاهم كانهم مخلوقات من الفضاء :))
***
بس انا زعلانة :( .. وزعلانة أوى كمان
عشان انا مستنية تليفون من العيد الى فات
وشكلى هستنى كتير !!!
وحتى لو التليفون دا جه .. انا حاسة انى مش هكون مبسوطة برضه
***
وزعلانة اكتر من مواقف حصلت الايام الى فاتت
مواقف كلها ملخصها
{ محدش بيخاف عليا .. خاااااالص }
من باب انهم بيثقو فيا وعارفين انى هعرف اتصرف
وبالتالى مالوش لازمة الخوف
وبالتالى مالوش لازمة انهم يسالو عليا .. ماهو اكيد هتصرف يعنى
:((
حتى بابا وماما .. حاجة غريبة صح ؟!!
طيب حلها ايه
؟!!
كل واحد مشغول فى حياته ماشى
بس مش لدرجة ان
كل الناس القريبيين منك تديك الايحاء بتاع انت ميتخافش عليك طول الوقت
من هنا بقولهم
لا انا يتخاف عليا
ومينفعش طول الوقت تعاملونى على عكس كدا
انا زهقت :((
