هقعد فى البيت أربى العيال .. عشان أنا شخصية مستقلة وعاوزة أحقق ذاتى !!!

(المقال وجهة نظر شخصية بحتة .. غير ملزمة لاى حد .. ولم تتطرق لوجهة النظر الدينية على الاطلاق .. تفاديا لبعض الاختلافات فى التفسير )

ملحوظة تانية .. اكيد البوست ليه تكملة ان شاء الله مش دا كل الموضوع بس انا مش عاوزة انزل بوست طويل :)

هل فى أى تناقض فى العنوان ؟!!

من وجهة نظرى الشخصية مش شايفة اى تناقض .. امال ليه الناس اللى حواليا شايفن تناقض ؟!!

من وجهة نظرى ان ربنا خلق الراجل والست لتعمير الارض .. الراجل يتعامل مع الجبال والطبيعة والطب والهندسة والعلوم .. والست ليها مهمة اكبر واشق واعمق .. هى بناء بنى ادم !!!

طبعا الكلام دا بيفسرو بعض الناس بمقولة "تقعد فى البيت تربى العيال وتقشر البصل " .. اوك الست هتقعد فى البيت تربى العيال وتقشر البصل .. لكن هل هو الموضوع سهل كدا انها تربى العيال 

او بمعنى ادق بقى ... هو بقى اى حد كدا يبنى شخصية طفل ؟!!

الاجابة طبعا لا 

والدليل ان فى اطفال شوارع

وان فى مجرمين

وان فى نصابين

وان فى هتلر

وان فى مبارك ونظيف وعز وجرانة والسباعى !!!

كل دول مبقوش مجرمين كدا من العدم .. دول نتيجة تربية غلط .. يعنى نتبجة ان امهاتهم مكنش عندها شخصية مستقلة ولا عرفت تحقق ذاتها -انا مش بشتمهم بامهاتهم على فكرة انا بس بوضح وجهة نظرى :D -

تربية طفل محتاجة تربية امه ذات نفسها الاول

عشان كدا فى كلية اسمها طفولة .. وفى علم اسمه علم التربية .. وفى العرب فى مستشار علاقات اسرية .. (طبعا دا غير محكمة الاسرة ومجلس الطفل ووالمؤسسات الفاشلة اللى عندنا دى عشان دول عالم نصابة من الاخر )

حتى فى الاسلام سيدنا النبى قال ان اولى حقوق الطفل على ابوه انه يختارله ام كويسة !!!

سيدنا النبى شدد على اختيار الام لانها هى اللى بتكتب الاول على الورقة البيضا اللى اسمها الطفل

طيب نيجى بقى لأغلب الاشكال النمطية فى مجتمعنا اللى صنعتها التربية الخطأ ووسائل الاعلام

اول نموذج 

نموذج البنت التافهة اللى عملته وسائل الاعلام .. نموذج البنت المهتمة بالموضة واخبار تمورة وعمورة ومكياجها ولبسها وخروجاتها مع اصحابها - ومفيش مانع كمان البوى فريند فى المستويات الاجتماعية الاعلى شوية - 

النموذج دا بيعتمد على الشكل الخارجى المبهر للبنت واللى بيكون كل مهتمها فى الحياة انها تنول اعجاب عيون الناس

والنموذج دا غالبا بيفضل كدا لحد اخر العمر كل همه اللبس والخروج الخ 

حتى بعد الجواز بتنتج كيانات بشرية - اللى هما الاطفال - زيها

وهى دى الام اللى بتربى ولد مخلص كل فلوسه على جيل لشعره .. وبيزعل اوى من الجيش بس عشان هيحلق !!!

الست دى لابتربى العيال ولا بتحقق نجاح فى شغلها  .. لان زى ماكلنا عارفين مش اى واحدة جابت بيبى وربته وودخلته مدارس وجامعة واتخرج واشتغل يبقى ربت بنى ادم -راجع النواصى وشوارع وسط البلد والكورنيش !!!-

وبالنسبة للشغل فهى فى تسعين فى الميا بتشتغل شغل يعتمد على شكلها -واللى غالبا مبيكونش منتج - او بتعتمد على الدلع و***** حاجات تانية عشان حد يخلص لها شغلها او المدير يعمل نفسه مش واخد باله من اهمالها !!!

النموذج التانى ..

نموذج البنت ست البيت .. البنت دى كل اهتمامها بلطبخ والغسيل وفرش  البيت  .. فى بيت ابوها كل مهمتها انها تنفذ طلبات ابوها واخوها وخالها وعمها واى مذكر فى محيطها العائلى

طبعا البنت فى النموذج دا عمرها ماتفكر تفتح برنامج توك شو تسمع اخبار الدنيا ولا نشرة اخبار .. وطبعا لو اتفرجت على ماتش كورة دا يبقى خيال علمى !!!

النموذج دا بيربى اطفال قابلين للتشكيل من المجتمع .. بمعنى انها بتديهم اولويات الاولويات وبعدين التليفزيون والمجتمع بقى يتولى الباقى - طبعا دا فى حالة ان الاب مالوش شخصية قوية يفرضها على الاولاد -

طبعا لو حظها حلو العيال بيتعاملو معاها على اساس انها ست بركة ومبحبوش يزعلوها وعاوزيين يفرحوها

انما بقى لو حظها وحش العيال هيستغلو طيبتها المفرطة -ونقدر نقول جهلها- ويبقو نموذج اسوأ من اللى اهله ربوه على الغلط

لانه هيكون عنده استعداد يجرب اى حاجة !!!

النموذج التالت .. 

نموذج المرأة المسترجلة ... اللى شايفة ان الطبخ وشغل البيت دا اهانة لعقلها .. والمكياج والموضة دا اهانة لجسمها

النموذج دا بيكون قالب على راجل وغالبا بيكون عقله كويس ومتابعة .. بس باسلوبها بتنفر اللى حواليها من المعرفة

وبيخلى اللى حواليها - وخصوصا الرجالة - يلعنو الثقافة على تشغيل المخ

وفى الاخر تلاقى الواحد منهم يقولك الست ملهاش الا بيتها .. عنادا فى نموذج المرأة المسترجلة !!!

طيب ايه الحل ؟!!

الحل ان الست اللى بتبنى فى المجتمع لازم تكون 3*1 بمعنى ان النماذج اللى فوق دى غلطتها انها خدت جانب واحد فى حياتها واتعمقت فيه ونسبت الجانبين التانيين !!!

نقطة اخيرة

مش معنى ان الست مهمتها فى الكون تربية طفل انها تعيش ال25 سنة الاولى من حياتها ترسم على عريس !!!

فى ناس اكيد مش فى قدرها انها هتتجوز فى يوم من الايام

لازم تبنى نفسك عشان تعمرى الكون .. بالطريقة بقى اللى ربنا يختارها .. وطول مااانتى ماشية فى الارض هتربى ناس .. من موقف بتعمليه او وجهة نظر بتقوليها

فارس أحلامى .. أريدك كافراً

أتتساءل عن فارس أحلامى ؟ ..... أوتنتظر منى أن أصف فارس أحلامى بالشجاعة ,العدل ,الحنان ,العطف,القوة, أو حتى الكرم؟؟؟؟؟؟

لا ... لاتكن شجاعا .... أريدك جبانا .... تخاف أشد الخوف وتفزع كل الفزع من غضبى ... فلا تغضبنى أبدا

لاأريدك عادلا .... كن ظالما لكل شكوكك وظالما لكل أفكارك السوداء ونواياك المدمرة تجاهى ..... لا أريد حنانا .... بل قسوة تدمر بها قسوتك المصطنعة عندما تكون معى

أتظننى أريد رجلا عطوفا؟؟؟ بل أريد رجل من عصر الكهف يحمينى من ظلم الدنيا وغدر أهلها ...أريد قاتلا ليقتل كل ألامى وأحزانى وذكرياتى المريرة .... أريد رجلا ضعيفا .... بيكى أمامى فأحتضنه ليستمد منى قوة تجعله يحارب العالم من أجلى ....
لاأريدك صبورا ...بل متهورا فى الحب ... مجنونا بالعشق ... مأفونا بالهوى

أتجد ذلك كذبا؟؟؟ أتقول أن الفتاة قد تريد رجلا كريما؟؟؟ ...لا ... أريدك بخيلا .... إبخل على الأخرين بنظرات عينيك ولمسات يديك وهمسات شفتيك ...ثم تعالى وأعطنى كل هذا
أريدك أنانيا ... تريد أن أكون لك وحدك ... أن تكون أفكارى منك .... وكلماتى عنك ...ودقات قلبى لك وحدك
أريدك أعمى فلا ترى سواى ...وأصم فلا تسمع فى العشق سوى همسات قلبى ... وأبكم فلا تتحدث بكلمات الغزل سوى معى وحدى

أتعتقد أننى أحبك متحفظا؟؟؟ بل أريدك فضولى حتى لتود معرفة عدد شعيرات رأسى ... لتكون فارس أحلامى كن وقحا وحدتنى عن عيوبى ... كن فظا وعنفنى على أخطائى .... ثم كن أحمق ...وتصرف معى وكأنك لاتعلم شيئا عن عيوبى ولاترى شيئا من أخطائى

أريدك كافرا بكل ماقيل ومايقال وماسيقال فى العشق دون إسمى .... وملحدا بكل رأيا فى الهوى يخالف رأيى ...
أريدك ضعيف الشخصية أمام قلبك وتهورك فى الحب
أريدك بكل تلك العيوب يافارس أحلامى

***

الخاطرة دى انا مشتركة بها فى مسابقة

هنا :) 

ياريت لو عجبتكو تدخلو على اللينك وتصوتو ليا :)

لاتصالح !!!

 

لاتصالح

القصيدة الخالدة والتى تصلح لكل زمان ومكان فى وطننا العربى 

***

لا تصالحْ!
ولو منحوك الذهبْ
أترى حين أفقأ عينيكَ
ثم أثبت جوهرتين مكانهما..
هل ترى..؟
...هي أشياء لا تشترى..:
ذكريات الطفولة بين أخيك وبينك،
حسُّكما - فجأةً - بالرجولةِ،
هذا الحياء الذي يكبت الشوق.. حين تعانقُهُ،
الصمتُ - مبتسمين - لتأنيب أمكما..
وكأنكما
ما تزالان طفلين!
تلك الطمأنينة الأبدية بينكما:
أنَّ سيفانِ سيفَكَ..
صوتانِ صوتَكَ
أنك إن متَّ:
للبيت ربٌّ
وللطفل أبْ
هل يصير دمي -بين عينيك- ماءً؟
أتنسى ردائي الملطَّخَ بالدماء..
تلبس -فوق دمائي- ثيابًا مطرَّزَةً بالقصب؟
إنها الحربُ!
قد تثقل القلبَ..
لكن خلفك عار العرب
لا تصالحْ..
ولا تتوخَّ الهرب!

(2)
لا تصالح على الدم.. حتى بدم!
لا تصالح! ولو قيل رأس برأسٍ
أكلُّ الرؤوس سواءٌ؟
أقلب الغريب كقلب أخيك؟!
أعيناه عينا أخيك؟!
وهل تتساوى يدٌ.. سيفها كان لك
بيدٍ سيفها أثْكَلك؟
سيقولون:
جئناك كي تحقن الدم..
جئناك. كن -يا أمير- الحكم
سيقولون:
ها نحن أبناء عم.
قل لهم: إنهم لم يراعوا العمومة فيمن هلك
واغرس السيفَ في جبهة الصحراء
إلى أن يجيب العدم
إنني كنت لك
فارسًا،
وأخًا،
وأبًا،
ومَلِك!

(3)
لا تصالح ..
ولو حرمتك الرقاد
صرخاتُ الندامة
وتذكَّر..
(إذا لان قلبك للنسوة اللابسات السواد ولأطفالهن الذين تخاصمهم الابتسامة)
أن بنتَ أخيك "اليمامة"
زهرةٌ تتسربل -في سنوات الصبا-
بثياب الحداد
كنتُ، إن عدتُ:
تعدو على دَرَجِ القصر،
تمسك ساقيَّ عند نزولي..
فأرفعها -وهي ضاحكةٌ-
فوق ظهر الجواد
ها هي الآن.. صامتةٌ
حرمتها يدُ الغدر:
من كلمات أبيها،
ارتداءِ الثياب الجديدةِ
من أن يكون لها -ذات يوم- أخٌ!
من أبٍ يتبسَّم في عرسها..
وتعود إليه إذا الزوجُ أغضبها..
وإذا زارها.. يتسابق أحفادُه نحو أحضانه،
لينالوا الهدايا..
ويلهوا بلحيته (وهو مستسلمٌ)
ويشدُّوا العمامة..
لا تصالح!
فما ذنب تلك اليمامة
لترى العشَّ محترقًا.. فجأةً،
وهي تجلس فوق الرماد؟!

(4)
لا تصالح
ولو توَّجوك بتاج الإمارة
كيف تخطو على جثة ابن أبيكَ..؟
وكيف تصير المليكَ..
على أوجهِ البهجة المستعارة؟
كيف تنظر في يد من صافحوك..
فلا تبصر الدم..
في كل كف؟
إن سهمًا أتاني من الخلف..
سوف يجيئك من ألف خلف
فالدم -الآن- صار وسامًا وشارة
لا تصالح،
ولو توَّجوك بتاج الإمارة
إن عرشَك: سيفٌ
وسيفك: زيفٌ
إذا لم تزنْ -بذؤابته- لحظاتِ الشرف
واستطبت- الترف

(5)
لا تصالح
ولو قال من مال عند الصدامْ
".. ما بنا طاقة لامتشاق الحسام.."
عندما يملأ الحق قلبك:
تندلع النار إن تتنفَّسْ
ولسانُ الخيانة يخرس
لا تصالح
ولو قيل ما قيل من كلمات السلام
كيف تستنشق الرئتان النسيم المدنَّس؟
كيف تنظر في عيني امرأة..
أنت تعرف أنك لا تستطيع حمايتها؟
كيف تصبح فارسها في الغرام؟
كيف ترجو غدًا.. لوليد ينام
-كيف تحلم أو تتغنى بمست??بلٍ لغلام
وهو يكبر -بين يديك- بقلب مُنكَّس؟
لا تصالح
ولا تقتسم مع من قتلوك الطعام
وارْوِ قلبك بالدم..
واروِ التراب المقدَّس..
واروِ أسلافَكَ الراقدين..
إلى أن تردَّ عليك العظام!

(6)
لا تصالح
ولو ناشدتك القبيلة
باسم حزن "الجليلة"
أن تسوق الدهاءَ
وتُبدي -لمن قصدوك- القبول
سيقولون:
ها أنت تطلب ثأرًا يطول
فخذ -الآن- ما تستطيع:
قليلاً من الحق..
في هذه السنوات القليلة
إنه ليس ثأرك وحدك،
لكنه ثأر جيلٍ فجيل
وغدًا..
سوف يولد من يلبس الدرع كاملةً،
يوقد النار شاملةً،
يطلب الثأرَ،
يستولد الحقَّ،
من أَضْلُع المستحيل
لا تصالح
ولو قيل إن التصالح حيلة
إنه الثأرُ
تبهتُ شعلته في الضلوع..
إذا ما توالت عليها الفصول..
ثم تبقى يد العار مرسومة (بأصابعها الخمس)
فوق الجباهِ الذليلة!

(7)
لا تصالحْ، ولو حذَّرتْك النجوم
ورمى لك كهَّانُها بالنبأ..
كنت أغفر لو أنني متُّ..
ما بين خيط الصواب وخيط الخطأ.
لم أكن غازيًا،
لم أكن أتسلل قرب مضاربهم
أو أحوم وراء التخوم
لم أمد يدًا لثمار الكروم
أرض بستانِهم لم أطأ
لم يصح قاتلي بي: "انتبه"!
كان يمشي معي..
ثم صافحني..
ثم سار قليلاً
ولكنه في الغصون اختبأ!
فجأةً:
ثقبتني قشعريرة بين ضعلين..
واهتزَّ قلبي -كفقاعة- وانفثأ!
وتحاملتُ، حتى احتملت على ساعديَّ
فرأيتُ: ابن عمي الزنيم
واقفًا يتشفَّى بوجه لئيم
لم يكن في يدي حربةٌ
أو سلاح قديم،
لم يكن غير غيظي الذي يتشكَّى الظمأ

(8)
لا تصالحُ..
إلى أن يعود الوجود لدورته الدائرة:
النجوم.. لميقاتها
والطيور.. لأصواتها
والرمال.. لذراتها
والقتيل لطفلته الناظرة
كل شيء تحطم في لحظة عابرة:
الصبا - بهجةُ الأهل - صوتُ الحصان - التعرفُ بالضيف - همهمةُ القلب حين يرى برعماً في الحديقة يذوي - الصلاةُ لكي ينزل المطر الموسميُّ - مراوغة القلب حين يرى طائر الموتِ
وهو يرفرف فوق المبارزة الكاسرة
كلُّ شيءٍ تحطَّم في نزوةٍ فاجرة
والذي اغتالني: ليس ربًا..
ليقتلني بمشيئته
ليس أنبل مني.. ليقتلني بسكينته
ليس أمهر مني.. ليقتلني باستدارتِهِ الماكرة
لا تصالحْ
فما الصلح إلا معاهدةٌ بين ندَّينْ..
(في شرف القلب)
لا تُنتقَصْ
والذي اغتالني مَحضُ لصْ
سرق الأرض من بين عينيَّ
والصمت يطلقُ ضحكته الساخرة!

(9)
لا تصالحْ
ولو وقفت ضد سيفك كل الشيوخْ
والرجال التي ملأتها الشروخْ
هؤلاء الذين يحبون طعم الثريدْ
وامتطاء العبيدْ
هؤلاء الذين تدلت عمائمهم فوق أعينهم
وسيوفهم العربية قد نسيت سنوات الشموخْ
لا تصالحْ
فليس سوى أن تريدْ
أنت فارسُ هذا الزمان الوحيدْ

وسواك.. المسوخْ!

They stole our childhood & taught us nothing !!!

As we know,in Egypt the government have to provide a free education for all Egyptians until they receive a degree

However on the ground, we find that the Egyptian families spend a lot of money for this free education - in theory - &  after all their children learn nothing  !!!  

 If we take learning languages as an example  ​​..We will findout that those who depend only on governmental schools are very bad in English, French and German - the three foreign languages ​​which are taught in Egypt -

  They need to learn more by special courses which cost a lot of money  & at the same time it is not certain that the language teacher is skilled

Only at the AUC and the British Council you can be sure of a good standard for the instructor .. However unfortunately, these places cost a lot of money and it is available only to people of Cairo and the neighboring areas

  

Personally, I was excellent in  English when I was in school . whatever now after I joined the Faculty of Engineering,I discovered it's just a trick !! I'd been excellent in English only  compared to my classmates who did not like it anyway

But in fact .. I can’t pronounce right .. I can’t listen and translate .. Even  sometimes I type with mistakes!!! !!!

 No money or time to study at AUC or the British Council .. And self-learning is also something new to learn!!!

They stole our childhood & teach us nothing !!!

  In Luxor, we were buying souvenirs from a seller who hadn't ever attend school .. But he learned to talk English from the contact with tourists  .. While we choose he was talking with his friend about me ..  but in English and French .. I would like get him know that  I understand, but I did not do due to my bad pronounce compared to him !!! 

Now you  ask  ...  why am I writing this note ?!!

 First reason that I try to express myself better in English *

Secondly it is a good chance to break the barrier of fear *

Thirdly I would like to know if any one here has this problem & what should I do *

***

 At the nd , all of you should thank the big G for It's translation engine  because without it you would  read something that have nothing to do with  English :$

خواطر بعد اسبوع فى الاقصر ..Pretty little things

هكتب كام نقطة كدا سجلتها فى النوت بتاعتى خلال اسبوع فى مدينة الاقصر المصرية

  

pretty little things

" .. دا عنوان قصة لقتها فى ريسيبشن الفندق اللى نزلنا فيه .. فندق شادى

·        

فعلا مصر مش ميدان التحرير بس .. مصر اكبر بكتير .. اللى فى الميدان فاهم هو فى الميدان ليه بس لازم بقية الناس تفهم .. فى السوق قابلنا واحد قالنا "" احنا بنحب اهل مصر وهما عملو ثورة حلوة .. بس اذونا فى اكل عيشنا "  ..... دا حتى المرشد السياحى اللى المفروض مثقف وواجهة للبلد تحس كلامه هجوم على الثورة !!! .. الناس دى غلابة بجد ودا اكل عيشهم لازم حد ينزل يتكلم معاهم

·         ادخال الدين فى السياسة بيبوظ الدين وبيبوظ السياسة .. المرشد السسياحى كان بيحكى عن تاريخ الاسر الفرعونية وقال انه لحد الاسرة 26 كان ملوك بيحكمو مصر .. بعد كدا بدا الكهنة يملكو .. والعصر دا اسمه عصر الاضمحلال !!!

·         الكوسة اختراع مصرى اصيل .. دا اللى اكده حكاية المرشد السياحى عن الاحتفالات الملكية الفرعونية كل 30 سنة .. المفروض يتم اختبار قوة الملك كل 30 سنة عن طريق مصارعة مع ثور .. لو الفرعون قتل الثور يبقى فرعون قوى ويكمل فى الحكم لو الثور قلب عربية الفرعون يبقى فرعون خيخة ويتم استبداله .. والمرشد بيقول ان البرديات بتحكى ان الثور اساسا بتيجى مخدرة عشان الملك يقتلها علطول .. تفتكرو فى سر معين ورا رقم 30 دا

 

·          لما تقرب من حد اوى بتشوف عيوبه اوى .. عشان كدا حلى حاجة نظرية القنافد .. الاقتراب عن بعد .. اصل النظرية دى ان القنافد فى الشتا بتكون عاوزة تتدفى بس لو قربت من بعضها اوى هتشوك بعض ولو بعدت عن بعضها اوى مش هتتدفى .. فبتقرب من بعضها بمسافات محسوبة عشان تتدفى وفى نفس الوقت متشوكشش بعضها .. احنا كبشر محتاجين اوى نظري القنافد دى عشان نعرف نعيش

(سمير فرج – الاقصر) ... حاول تحطهم فى جملة مفيدة مش هتلاقى .. اى جملة هتكون ضرر للاقصر .. دا بناء على كلام الاهالى هناك محدش  بيحبه وواضح من كلام الناس ان وراه بلاوى ياما .. لدرجة ان فى يافطة متعلقة فى شارع رئيسى  بتهاجمه !!!

·         ايه موضوع الناس بتوع طريق الكباش دا !!! .. اللى فهمته ان حكومة نظيف هجرتهم من بيوتهم غصب واقتدار ومن غير اى تعويضات عشان تكمل طريق الكباش !!! ... يعنى دا كلام ؟ .. محدش اتكلم عن الناس دى ليه ؟ .. هو دا تشجيع السياحة .. هو دا حق المصرى والمواطنة ... ياريت الموضوع دا يوصل للجيش عشان يتصرف .. او اسهل الجيش يعين محافظ مصرى للاقصر وهو يهتم بالموضوع دا

 

·         حركات المراهقة مش بتبقى فى سن المراهقة .. ممكن جدا الواحد يوصل فوق التلاتين ويبقى لسه مراهق .. وساعتها مينفعش حد اصغر منه يقوله انت مراهق .. طيب الاصغر دا المفروض يعمل ايه يعنى !!! اهو دا اللى مش عارفاه L

·           احلى حاجة تيجى من رحلة اسوبع فى الاقصر على امتحانات .. بتحس نفسك كنت طاير فىوق فى السما وفجاة جه قفا من الدنيا ظبطك وقفك على الارض

 

·           تذكرة قطر القاهرة اسوان درجة تانية مكيف بقالها 3 سنين – ويمكن من قبل كدا – تمنها ثابت .. فى حاجة تانية  ثابتة غير تمن  التذكرة  ؟

 

·          احيانا بندمن غلطة معينة .. وبنعملها واحنا عارفين انها غلطة جامدة اوى فى حق نفسننا .. مش هى دى المشكلة .. المشكلة ان فى ناس قريبة مننا بتزعل بسبب الغلطة دى .. الغلطة مش هتأذيهم هما فى حاجة بتأذينا احنا ... انما هو بيزعلو عشانا مش مننا .. واحنا برضه لسه بنغلط نفس الغلطة

·          فى شخصيات زى القمر .. بمعنى انها من بعيد منورة وبتجذب كل البشر وبتنور اوى واللى حواليها كمان ممكن يسهرو  مخصوص عشان يشوفوها وممكن يخلوها رمز للحب ورمز للوفاء .. لكن لما تقرب منهم بالظبط زى ماتقرب من القمر .. ماتلاقيش غير شوية حفر وظلمة .. وتكتشف ان النور دا كان مجرد انعكاس جسم تانى خالص عليهم

 الصورة دى عبارة عن السما وتحتها الجزء العلوى من الجبل المنحوت فيه معبد حتشبسوت الجنائزى فى البر الغربى فى الاقصر .. من تصويرى ^_*

{وَلَن تَرْضَى عَنكَ الْيَهُودُ وَلاَ النَّصَارَى حَتَّى تَتَّبِعَ مِلَّتَهُمْ } .. نظرة أخرى

سورة البقرة الاية 120

طبعا كلنا كمسلمين سمعنا الاية دى كتير ..ويمكن بعض اخواننا المسيحيين كمان سمعوها

واقدر اقول انها من بعض الايات اللى بتقلق المسيحيين .. واللى بيتحرج بعض المسلمين من ذكرها

لكنى شايفة ان الاية طبيعية جدا ومفيهاش اى حاجة تدعو للحرج

ربنا سبحانه وتعالى بيكلم سيدنا النبى بيقوله ان اليهود والنصارى مش هيرضو عنه غير لو بقى يهودى او نصرانى  .. 

طيب اساسا يعنى ايه "يرضى" .. الرضا عن حد يعنى انك تحبه وتوافق علي كل افعاله ولا تجد فيها اى غلطة .. طيب اختلاف العقيدة ذات نفسه معناه انى بؤمن بحاجة معينة وانت بتؤمن بحاجة مختلفة عنها تماما

طيب هل عقيدتى صح ؟!! .. طبعا عقيدتى صح وشايفة ان عقيدتك غلط .. لانى لو شايفة ان عقيدتك صح كان زمانى اتبعتها .. تمام كدا؟!!

اذن الاية بتقر حقيقة نفسية بشرية .. انا مش هرضى عن واحد عقيدته مخالفة لعقيدتى .. اه هتعامل معاه .. اه هحبه على المستوى الانسانى .. اه هنصفه لو مظلوم .. لكن فى نقطة معينة (وهى نقطة كبيرة مش صغيرة بالمناسبة ) انا هختلف معاه كل الاختلاف ومش هكون راضية عن اتجاهاته

عشان كدا ربنا نبه سيدنا محمد للحقيقة دى .. واقرها فى القران .. وبرضه سيدنا محمد ولا المسلمين هيرضو عن اليهود والنصارى حتى يتبعو الاسلام

الاية ماقالتش ان اليهود والنصارى يكنون مالايظهرون .. ولا قالت انهم خونة .. ولا قالت انهم هيحرضو النبى على الاسلام

لكن الاية بتقر حقيقة نفسية لكل البشر .. ولان المخاطب هو سيدنا محمد فالاية ذكرت الطرف التانى مش اكتر

***

دا مش تفسير لانى مش متخصصة طبعا .. لكنها مجرد خاطرة جات فى بالى امبارح لما سمعت الاية :)

حب الثورة تحبك .. إكرف الثورة هتديك بالج***

طبعا العنوان هو تحريف لجملة مشهورة لصفر الجيل تمورة

وبجد الجملة حقيقة جدا

عزيزى المواطن .. حب الثورة هتحبك وتدلعك وتديك كل اللى انت عاوزه منها

شوف ياننوس عين مصر -ماهى مصر هى مامتك بقى - الثورة واقع لامفر منه

صدق أو لا تصدق فى مواطن تانى زيك كدا بالظبط ليه مناخير وعينين وودنين واوبشن المخ برضه نازل معاه وسبحان الله بيفكر زيك -يعنى هو مش أحسن منك فى حاجة خالص-  المواطن دا بقى عنده استعداد ينزل الشارع كل يوم لحد ماثورتنا تكمل

وثورتنا دى  ياننوس عين مصر هى ثورتى وثورته وصدق او لاتصدق برضه ثورتك انت كمان

عارف ليه ثورتك انت كمان !!!

عشان -صدق أو لا تصدق للمرة التالتة - انت مستفيد منها حتى لو انت معترض عليها

جرب كدا تسافر برا دلوقتى !!! .. هتلاقى سبحان الله لاسحر ولاشعوذة الدنيا كلها بتحترمك

طيب خلى مدير ولا رئيس شركة ولا اى حد كبير كدا شوية يعنى يقرفك فى عيشتك انت وزمايلك فى الشغل

او دكتور فى الجامعة يضغط عليكو عشان تشترو الكتاب

هيبقى شكرا ياكبير جدا وبالسلامة للمدير او الدكتور

طيب يامواطن منك له لما يبقى الناس سايبة بيوتها ونازلة تجيب لك حقك من واجبك الاولى انك تعرف هما نازلين ليه

ولازم برضه ولابد وحتما تدافع عنهم

طيب تعالى نتكلم من منظور تانى

عمرك قريت صحيفة قومية ايام المخلوع ؟!!

شفت أسامة سرايا ازاى كان بيتغزل فى حكمته كأنه قيس وبيتكلم عن ليلى !!!

طيب فاكر طشة الملوخية بتاعت القط ؟!!

طيب بقى شفت سماجة عبد الله كمال وهو بيحارب الثورة وبيدافع باستماتة عن رب عمله ؟!!

الناس دى يامواطن مكنوش بيكدبو

الناس دى كانت عارفة ان مصلحتهم فى النظام .. وعشان كدا كانو بيعشقوه

ومن باب يعنى " اللى يتجوز امى اقوله ياعمى "

طيب ياسيدى دلوقتى امك خلعت مبارك واتجوزت الثورة .. امشى مع مصلحتك كدا ومصلحة ولادك .. هتلاقيك والله بتحب الثورة ومستعد تضحى عشانها

انهرده كنت راكبة مواصلة وقبل ماتيجى محطتى بدقايق لقيت 2 ستات بيتكلمو عن اللى نزلو انهرده  وواحدة بتقول هما عاوزيين ايه مااحنا صبرنا 30 سنة نصبر كمان سنة ولا اتنين !!!

طبعا هى كلمة حق لكن فى غير موضعها خااااااااااااااااااالص

قلت لها لا انتى عارفة ان صفوت وزكريا وسرور تجميد فلوسهم ومنع سفرهم محصلش غير بعد الاعلان عن المظاهرة بتاعت انهرده

طيب انتى عارفة ان المشير متجوز اخت صفوت الشريف !!!

يعنى لازم الشعب يضغط عشان الجيش والحكومة يعملو حاجة .. ولو غفلنا لحظة هنتاكل

وعديت محطتى وفضلت أتكلم معاهم -وطبعا كعادة المصريين العربية كلها اتدخلت فى الحوار-

وساعتها اللى نفعنى فى موقفى حاجتين

انى متابعة وعارفة ومش بقول اى كلام عشان فلان او علان قاله

والحاجة التانية والاهم انى بتكلم عن الثورة بحب

اه بجد

انا بحب الثورة

وعشان كدا اتأخرت على مشوارى وكملت معاهم لاخر الطريق عشان اتكلم عنها

عمرك جربت تحب حد ؟!! .. عارف الاحساس انك فرحان وانت بتتكلم عنه وبتسمع الناس وهى بتجيب سيرته .. وياسلام بقى لو واخدين فكرة غلط عنه وانت بتصلحها !!!

عارف الاحساس دا

انا بحسه دايما مع الثورة

حب الثورة هتحبك وهتحسسك انك بطل من ابطالها

اكرف الثورة هتديك باللى فى رجليها وهتدوس عليك وهتكمل ان شاء الله

***

ملحوظة بسيطة

"وانا نازلة من العربية قلت لهم يبقى بقى ندعى للى بيضحو براحتهم عشان مصلحتنا واحنا كل واحد عايش حياته ولا على باله .. العربية كلها قالت ربنا ينصرهم :) "

حب الثورة عشان تكسب دُعا من القلب الصافى مع عقل فاهم :)