طبعا كلنا تابعنا الحوار الكبير اللى حصل بسبب كلام الاستاذ صبحى صالح عن ضرورة ان الاخ الاخوان يتجوز اخت اخوان برضه
وبرضه ناس كتيرة اعترضت لدرجة ان فى ناس رفعت قضية عليه !!!
طيب بعيدا عن حوار الاخوان خالص وبعيدا طبعا عن انى مش اخوان ولكن الفكرة ذاتها
الفكرة ذاتها احنا بنعانى منها هنا فى مصر
(شيزفريينا الاختيار ) انا بسميها كدا
الولد الاخوان المفروض يتجوز ايه ؟!!
واحد معتنق فكر معين يبقى الطبيعى انه يتجوز فتاة معتنقة نفس الفكر
نيجى مثلا للمهندس اللى بيرفض يتجوز مهندسة عشان بتتعامل مع العمال !!!
سبحان الله هى مش بنى ادم زيك يعنى !!!
طيب الليبرالى اللى بات فى ميدان التحرير عشان اسقاط النظام .. انما البنت اللى بتتبع نفس النهج (ومتنسوش ان قوتنا كانت فى عددنا ايامها ) الولد دا يقولك لا انا مرضاش اختى تبات فى الميدان !!!
كان عندى واحدة صحبتى معيدة فى الجامعة الامريكية مخطوبة لزميلها معيد برضه فى الجامعة الامريكية .. وهما الاتنين كانو مقدمين على منحة لانجلترا
كان عندى واحدة صحبتى معيدة فى الجامعة الامريكية مخطوبة لزميلها معيد برضه فى الجامعة الامريكية .. وهما الاتنين كانو مقدمين على منحة لانجلترا
هى جات لها المنحة والمفروض يكون معاها مرافق .. قالها انا مروحش ادرس على حساب مراتى !!!
ايه التفكير دا ؟!!
معقول دا فكر معيد هندسة فى الجامعة الامريكية !!! امال انت خاطب معيدة زميلتك ليه وانتو الاتنين مقدمين على نفس المنحة يعنى !!!
يبقى الفكرة ايه بقى ؟!!
الفكرة انك كولد معتنق فكر معين يبقى انت شايف ان الفكر دا صح
وطبيعى عاوز ولادك يعتنقو نفس الفكر . يبقى مين هيربيهم على نفس الفكر !!!
واحدة دى فكرتها من زمان .. ولا واحدة انت هتخليها تعتنق الفكر دا !!!
واحدة دى فكرتها من زمان .. ولا واحدة انت هتخليها تعتنق الفكر دا !!!
طبعا مش هنتكلم بقى عن الاخ اللى بيمشى مع واحدة اه انما يتجوزها لا !!!
والاخ اللى يتطوع فى جمعية خيرية او يشتغل فى نشاط فى الكلية وبعدين تلاقيه حاطط رجل على رجل ويقولك انا عمرى مااتجوز واحدة من هنا !!!
دا حتى تمورة صفر الجيل بيقولك انا متجوزش ممثلة !!!
انما انت بتمثل ليه يااخ وواقف قدام بنات الناس تشتغل معاهم !!!
وعادل امام يقولك بنتى متشتغلش ممثلة !!!
لاحول ولا قوة الا بالله .. انت بنتك بنت ناس .. واللى انت بتمثل قدامهم ولاد ***
الاستاذ صبحى صالح ماقلش حاجة غلط على فكرة .. الراجل بيناقش قضية بنعانى منها فى المجتمع
وهو بيحاول يحلها فى الجماعة بتاعته
بلاش نغمة الاسلاموفوبيا اللى مغرقة المجتمع دى
علشان احنا مجتمع عنده انفصام فى الشخصيه
ردحذفو دى مش جديده
الاب يشرب سجاير و يقول لابنه متشربش
الراجل عاوز يمشى مع بنات بعدد شعر راسه و فى الاخر عاوز يتجوز واحده عمرها ما كلمت ولد و لا حتى اخوها
المجتمع بتاعنا عامل زى اللى رقص على السلم
لا عارف يتمسك بالعادات القديمه و لا عارف يبقى غربى و لا عارف يبقى عربى و لا عارف يعمل لنفسه شخصيه منفصله
فا عملنا شخصيه جديده متناقضه
دى مش شيزفرينيا بس دى ثقافه مجتمع ذكورى بتورثه الامهات يمكن أكتر كمان تقوله أنت الراجل انت اخوها الكبير
ردحذفوهكذا للاسف علشان دا يتغير بعد ما المرأه وصلت لوزيره والبنات بقوا محتلين كتير من المواقع الكويسه لكفاءتهم دا يبقى عايزين اعلام جديد بيئه جديده تعيلم صح فتطلع العقول صح
من الصغر يعنى وتبدأ من البنات نفسها فالامهات وهكذا
محمود وبسنت
ردحذفنفس رأيى اهو .. طيب انتو شايفين يعنى الراجل كان يستحق كل الهجوم دا !!!
انا شايفة انها مشكلة مسيطرة على مجتمعنا .. ايا كانت المسميات .. وهو بيحاول يحلها فى مجتمعه الصغير