التدوينة انهرده موجهة للناس بتوع العمل التطوعى
بما انى مندمجة الايام دى يعنى فى
جمعية رسالة فرع ميت غمر ^_*
طبعا لما بنتكلم مع بعض كمتطوعين او مع اى حد من برا
بيكون دايما كلامنا ان الواحد بيعمل لله ..
الناس مقتنعة ان مافيش حاجة بتتعمل ببلاش دلوقتى
طيب وهو مين قال ببلاش !!!
مش بتقولى لله اهو !!!
اه وهو لله دى ببلاش يعنى ولا ايه ؟!!
امال ايه يابنتى بتاخدى فلوس
لا مش باخد فلوس .. باخد اكتر .. باخد الحسنة بعشر امثالها .. هو دا يبقى اسمه ببلاش !!!
المفروض البنى ادم مخلوق ليه ؟!!
عشان يعمر الارض طول ماهو عايش فى الدنيا دى .. وفى العالم الاخر يعيش فى الجنة
طيب يبقى انا لما بعمل عمل تطوعى انا مش بعمل ببلاش .. دا أنا بعمر الأرض .. يعنى بعمل شغلتى اللى اتخلقت عشانها
وكمان باخد حسنات عشان فى الحياة الاخرى اعيش فى الجنة
يعنى بمعنى اصح بدفع عشان اجهز البيت اللى هعيش فيه فى الآخرة
يبقى لله بقى معناها ببلاش !!!
طيب أنا بكتب الكلام دا ليه ؟!!
لانى بعد خلاف بسيط حصل امبارح فكرت انى بعمل لله .. يعنى ربنا هو صاحب الشغل بتاعى
ولما يحصل خلاف فى الشغل صاحب الشغل هو اللى بيحكم
طيب لما صاحب الشغل يقولى اعملى كذا كذا .. غصب عنى هعمل عشان ميقطعش عيشى .. صح ؟!!
طيب ربنا قالى
وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللّهُ يُحِبُّ الْمُحْسِنِينَ
يبقى انا اعمل ايه ؟!!
الجنة مش ببلاش .. ^_*
الله الله هو دى عين العقل ويارب الناس كلها تفهم كده
ردحذفجزاكى الله كل الخير يا شيموا
جميـــــــله جـــدا جـدا
ردحذفيا شوشو ^_^
وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللّهُ يُحِبُّ الْمُحْسِنِين
ردحذفسبحان الله لو الواحد قعد كتيير جدا يدور على معنى للكلام ده غير الايه دى مش هيلاقى
هاجر اختى دخلتى بالاكونت بتاعى وردت على الموضوع :))
ردحذف***
الرد الاولانى مش انا بمدح نفسى يعنى :D
كلام جميل
ردحذفبس العمل التطوعى مش هو الوحيد اللى بيكون لله
ممكن المذاكره الواحد ياخد عليها ثواب
و كمان الواحد لو اتقن شغله اللى بياخد عليه فلوس ممكن ياخد ثواب اكبر من العمل التطوعى
عندك حق...الجنة مش ببلاش
ردحذفربنا يدي كل واحد علي قد نيته
ردحذففيه ناس بتعمل لله بجد في العمل التطوعي
وفيه ناس بتبقي لحاجة في نفس يعقوب عندهم
ربنا يهدي الناس لما فيه خير للبشرية