لسه انهرده السبت يابشر
ومن هنا ليوم الخميس مش عاوزيين حرقة دم بقى
مش عارفة مين اتحاكم لا مين اطلقو سراحه ولامين خد اعفا
بصو احنا نركز كل جهودنا على نزول الجمعة الجاية ونركز احنا عاوزيين ننزل ليه وعاوزيين ايه من المجلس العسكرى
ونفهم الناس ان
المجلس العسكرى مش هو الجيش خاااااااااااااالص
المجلس العسكرى مش هو الجيش خاااااااااااااالص
ليه بقى بقول الكلام دا
عشان طول الاسبوع هنسمع كلام كتييييييييييير .. بالونات اختبار على اشاعات على جزء من الحقيقة على تخاريف
واللى اعتدناه من المجلس الموقر انه بيتحرك فى اخر لحظة
يسيبنا نحرق فى دمنا ونتخانق سوا ونخسر بعض -بجد يعنى شوية شوية ومش هيفضلى حد من معارفى :( -
وفى الاخر يجى يوم الخميس ويعمل اللى احنا عاوزيينه مباشرة قبل الجمعة
-راجع اقالة شفيق !!!-
المجلس مبيجيش غير بالضغط ... الضغط الرهيييييييييييييب
واحنا ضغطنا لازم يكون فى الشارع .. فى الميدان
طيب احنا عاوزيين ايه ؟!!
اولا .. المحاكمة لكل اعضاء النظام .. العفو واطلاق السراح والعلاج فى شرم والكلام الفارغ دا كله فينيتو بقى !!!
ثانيا .. وقف المحاكمات العسكرية .. بجد بجد قلة ادب يعنى !!!
ثالثا .. اطلاق سراح اى مصرى فى السجون الحربية من يوم 25 يناير وحتى الان
رابعا .. الشرطة ترجع بكامل قوتها واللى ميرجعش يتفصل .. مش قاعدين فى بيوتهم وبياخدو كمان ضعف مرتباتهم !!!
خامسا .. التحقيق الفورى فى الاحداث امام سفارة الصهاينة
سادسا .. فورا وحالا نعرف مين اللى ورا احداث امبابة ومين اللى بيفجر فى سينا ومين اللى ورا احداث عين شمس
وكل الحاجات الظريفة اللى بتطلع من غير اى لازمة دى !!!
سابعا .. بقى شوية المطالب الفئوية اللى منكدة على عيشة الناس لازم تتحل لانها مش صعبة ولاحاجة
يعنى شوية المحافظين على رؤساء الجامعات -وخصوصا بتاع جامعة القاهرة الكلب دا اللى عاوز يضيع مستقبل طلبة محترمين !!!- على الحد الادنى للأجور على تطهير الاعلام والقضاء وكدا بقى
شير فى الخير بقى الورقة دى مطالب الثورة المصرية التانية 27 مايو
وكمان الايفنت على الفيس اهو http://www.facebook.com/event.php?eid=210474062319779
***
ملحوظة ملهاش اى لازمة ^_^
***
ملحوظة ملهاش اى لازمة ^_^
ان شاء الله هكمل 22 سنة يوم 27 مايو 2011
مش بيفكركو بحاجة التاريخ دا :D
ليست هناك تعليقات:
إرسال تعليق