الوحده بتقتلنى ولا حد بيسئلنى انت عامل ايه
مجروح مين جرحك.. تعبان مين تعبك .. وحبايبك ناسينك ليه
لاقريب ولا صاحب يسمعني ولا حضن حبيب بقا بيسعني
مش قادر اتحمل واصبر وانا كل الناس بتودعني
ببكي ولا في ايد تتمد تمسح دمعتى من ع الخد ليه كل ما الفرح يجيني في دقيقه الاقيه يتهد
حرام اعيش لوحدي وسنين العمر تجري في عذاب مالوش نهايه
وافضل عايش في وحده وعذاب ودموع وغربه ولا قادر اقول كفايه
وآآآآه .. ولا حد بيفكر فيا يجي يسئل لو مرة عليا
يجي يصبر قلبي وروحي ع الوحده اللي بتقتل فيا
سايبنى لوحدي بتالم مش عارف مع مين اتكلم
مش لاقي انسان اشكيله وف حضنه ابكى واتظلم
*****
مجروح مين جرحك.. تعبان مين تعبك .. وحبايبك ناسينك ليه
لاقريب ولا صاحب يسمعني ولا حضن حبيب بقا بيسعني
مش قادر اتحمل واصبر وانا كل الناس بتودعني
ببكي ولا في ايد تتمد تمسح دمعتى من ع الخد ليه كل ما الفرح يجيني في دقيقه الاقيه يتهد
حرام اعيش لوحدي وسنين العمر تجري في عذاب مالوش نهايه
وافضل عايش في وحده وعذاب ودموع وغربه ولا قادر اقول كفايه
وآآآآه .. ولا حد بيفكر فيا يجي يسئل لو مرة عليا
يجي يصبر قلبي وروحي ع الوحده اللي بتقتل فيا
سايبنى لوحدي بتالم مش عارف مع مين اتكلم
مش لاقي انسان اشكيله وف حضنه ابكى واتظلم
*****
طبعا دى كلمات أغنية لحساس الجيل تمورة :D
وهى لسان حال مصر الايام دى
الوحدة اللى بتقتل مصر هى شارع الوحدة اللى فى امبابة !!!
اللى حصل فى شارع الوحدة فعلا بيقتل مصر
اللى حصل فى شارع الوحدة فعلا بيقتل مصر
وسخرية القدر ان الشارع اللى شهد اكبر مشاحنات طائفية فى مصر فى القرن الجديد يبقى اسمه شارع الوحدة !!!
بجد وجود مبارك كان حامينا من الاحداث دى
بالظبط بالظبط بالظبط .. زى لما يبقى ليكو جار مربى كلب اسود كبير شرس .. ومحدش فى الشارع بيعرف يعدى غير لما جاركو دا يعديه من الكلب
اهو مبارك اللى كان بيعدينا من الكلب عشان هو اللى مربيه وهو اللى بيرميله العضمة
طبعا .. البلهاء بس اللى بيقولو كتر خير مبارك انه حايشهم عننا .. بالظبط زى برضه العبط اللى فى شارعكو هما اللى ساكتين للراجل صاحب الكلب وبيقولك كتر خيره كل ماحد ينده بينزل يعديه من الكلب
انما العاقلين بقى اللى فى الشارع هما اللى لازم يروحو للراجل دا ويقولوله شيل الكلب بتاعك دا من الشارع
بالظبط زى ماعملنا فى الثورة ونزلنا قلبنا لمبارك شيل الكلاب بتاعتك دى من وشنا
الداخلية وامن الدولة
ولما عصلج قولناله طيب امشى بقى انت كمان وفارقنا
المشكلة انه مشى وساب كلابه مطلوقة .. الكلاب دى مش هتتلم غير لما صاحبها يتلم فى طرة
ومش هتتلم برضه غير لما احنا كمان نبطل نرمى لها عضم
عضمة الفتنة
عضمة استغلال الفقر
عضمة استغلال الدين
عضمة استغلال الجهل السياسى
عضمة السلبية
*****
وعشان نغيظ اسرائيل اللى بترقص من الفرحة دلوقتى على اللى بيحصل لازم كلنا نشارك فى الانتفاضة يوم الجمعة ان شاء الله
هيكون فى صلاة الفجر فى التحرير ان شاء الله وهيأمها الشيخ صفوت حجازى وكمان نوارة نجم بتقول ان 3 كنايس هتعمل صلاة باكر
كل التفاصيل هنا
انا ماشوفتش واحدة عندها الؤية الواسعة القادرة على تحليل الامور و تلخيصها و توضيحها بكل بساطة...الا اتنين...انت و نوارة نجم....ما شاء الله عليكى ....دماغك متكلفة
ردحذفربنا يكرمك .. مش لدرجة نوارة .. نوارة دى دماغها توزن بلد ماشاء الله ^_^
ردحذفجامد يا زينة
ردحذفبسم الله ماشاء الله عليكي
استمري
شكرا ياجميل :)
ردحذف